Hansı günəşdən qorunma kremi daha uyğundur?

Hər birimiz günəşdə zaman keçirməyi xoşlayırıq: kimi çimərlikdə, kimisi isə dağ xizək yamacında. Sevincli anlar bizi xoşbəxt edir, düzgün müdafiə isə dərimizə xoşbəxtlik bəxş edir. Seçilmiş günəşdən qorunma kreminin dəri üçün nə dərəcədə effektiv olduğunu müəyyənləşdirən göstəricilərdən biri məhz günəşdən qorunma amilidir. NIVEA-nın günəşdən müdafiə vasitələri dərini UV-şüalardan qoruyaraq, günəş yanmalarının əmələ gəlməsinin və sərbəst radikalların formalaşmasının qarşını alır. Günəş vannalarına olan sevgimizə baxmayaraq, biz hamımız bu və ya digər səviyyədə günəşə qarşı həssasıq. Dərinin, saçların və gözlərin rəngindən asılı olaraq, dəri bir neçə növlərə ayrılır. Tünd rəngli dəri ilə müqayisədə, açıq rəngli dərinin daha yüksək səviyyədə qorunma tələb etdiyini nəzərə alaraq biz müəyyən dəri növünün tələbatlarına uyğun seçilmiş səviyyədə günəşdən qorunma amilli günəşdən qorunma vasitələri sırasını hazırlamışıq.

Bunu bilmək vacibdir! Sənin dəri növünə uyğun olan SPF-amili dərinin təbii müdafiəsinin təsir etdiyi müddəti əks etdirir; yəni yanmalar yaranmadan günəşdən qorunma vasitələrsiz günəşin altında qala biləcəyin müddət. Bir qayda olaraq, o, dəri növündən, sənin olduğun yerdən və ilin fəslindən asılı olaraq, 5 - 30 dəqiqə arasında dəyişir.

Günəşdən qorunma məhsullarında istifadə olunan mineral UV-filtrlər, bir qayda olaraq, titanın dioksidi və sinkin oksidinin qarışığından ibarət olur. Sözügedən UV-filtrlərdə qoruma mexanizminin təsiri təkcə günəş işığının hopdurulmasına yönəlməyib. Onlar həm də günəş işığını əks etdirən və yayan fiziki ekran funksiyasını yerinə yetirir.

Günəşdən qorunma vasitələrində mineral filtrlərdən savayı kimyəvi UV-filtrləri də istifadə olunur və onların qoruma mexanizmlərinin təsiri yalnız UV-şüalanmanın hopdurulmasına və zərərli UV-şüaların istilik enerjisinə çevrilməsindən ibarətdir. UVA və UVB şüalarında qorunma dərəcəsinin lazımi nisbətinə nail olmaq və optimal qorunma spektrini təmin etmək məqsədilə günəşdən qorunma vasitələrində qarışıq UV-filtrlərdən istifadə olunur. Həssaslıq və suya davamlılıq kimi amillər də UV-filtrin seçimində vacib rollardan birini oynayır.

UVA-şüaların təsiri ağrıverici yanmaların yaranmasına səbəb olmasa da, onlar dəri hüceyrələrinə dərin daxil olaraq azad radikalların formalaşmasını stimullaşdırır və hüceyrələri, gələcək perspektivdə isə DNT-ni zədələyir. UVB-şüaları dərinin yalnız üst səthinə təsir göstərərək, onun üst qatına, epidermisə daxil olur. Məhz onlar dəriyə gözəl tunc rəng ahəngi almağa imkan yaradır, lakin bununla bərabər, yanmaların yaranmasına və dəri xərçənginin inkişaf etməsinə gətirib çıxara bilər, çünki birbaşa DNT-yə təsir edir. Günəşdən qorunma vasitələrindən istifadə orqanizmi UVA/UVB şüaların mənfi təsirindən qorunmağa imkan verir.